用 Framework 解決技術問題

喺 2013 年,所以所有網站都應該用 responsive layout 去做到 mobile-friendly;換句說話其實係解決上網設傋嘅兼容性問題。同時亦喺 2013,IE6 同 7依舊款 broswer 所帶黎嘅兼容問題唔需要再理會,所以 custom font face 依類只可以喺 IE8 以上先用到嘅設計就可以放心採用,英文字款唔需要局限於 Times 或者 Arial 咁沈悶。做設計前,首先要懂得解決好似 Cross-browser 同 Cross-device 依類 technical constraints,先能夠比人做得更好。

hk stat browser

為左加快開發速度同與時並進,應該要對 web 界不斷出現嘅 framework 有所了解避免由零開始,加以善用去解決一啲經常會遇倒嘅問題。例如 bootstrap 同 foundation 兩大 frameworks 已經簡化左 responsive layout 同 Cross-browser 問題,佢地分別建基於 LESS 同 SASS,都係以簡化 CSS 為目標。如果以 WordPress 作為 platform,有啲starter theme 例如 roots 同 required+ 唔單只分別內建 bootstrap 同 foundation,而且有灑最基本嘅 style 同 responsive layout,節省左唔少基本工序。

自 WordPress 2.9 開始出現 child theme 嘅概念之後,所有 theme 都可以作為 parent theme 或者 framework,而當中比較多人用嘅有 Genesis,內置左唔少優秀嘅功能,帶有 bootstrap 同HTML5 layout,但係 responsive layout 依然要喺 child theme 做工夫,另外某啲 plugin,例如 woocommerce 嘅 shop page,都需要用 child theme template 去 override,令佢嘅版面變面 responsive layout。要再進一步節省工序,可以用一個好嘅 responsive layout theme 作為 framework,唔少都內置左兼容 plugin 嘅 responsive layout template 同一啲基本功能。因為所有 customization 同 override 都放灑喺獨立嘅 child theme,parent theme 同 plugin 都可以繼續 update 應付未來出現嘅改變。

Reference:


Related posts: